افحص أي عملة قبل ما تشتري

شو يعني افحص أي عملة قبل ما تشتري؟

الفاحص بياخد منك عنوان عقد العملة أو رابطها على DexScreener أو حتى اسمها، وبيرجعلك حكم واضح: خطر أو حذر أو عادي. الحكم مش رأي، هو محسوب من أرقام حية: أمان العقد من GoPlus، السيولة وعمر زوج التداول من DexScreener، قديش أكبر 10 محافظ ماسكين من العملة، وعلى سولانا بنقرأ تقرير RugCheck كمان. وبعدين بيشرحلك السبب بالعربي بثلاث لخمس نقاط كل وحدة فيها رقم، وبيسألك سؤال واحد تسأله لحالك قبل ما تقرر. لو حطيت رابط قناة تلغرام لمشروع، بيقرأ منشوراتها العامة وبيقلك إذا فيها وعود مضمونة أو طلب أموال أو إلحاح. ولو حطيت حساب بيدّعي إنه أمير، بيقلك إذا هو الحساب الرسمي ولا مزيف. وبتقدر تشارك الفحص كصورة للستوري. وزر فاجئني بيجيبلك عملة مدفوعة الترويج هلق عشان تشوف الفاحص شغال على شي حقيقي. كل هاد تعليم مش نصيحة استثمارية.